ನವದೆಹಲಿ: ಭವಿಷ್ಯ ನಿಧಿ(ಪಿಎಫ್) ಸಂಬಂಧಿಸಿದ ಕಾರ್ಯಗಳಲ್ಲಿ ಮೂರನೇ ವ್ಯಕ್ತಿಗಳ ಸಹಾಯ ಪಡೆಯುವುದು ಅಪಾಯಕಾರಿ ಎಂದು ತನ್ನ ಸದಸ್ಯರಿಗೆ ಎಚ್ಚರಿಸಿರುವ ನೌಕರರ ಭವಿಷ್ಯ ನಿಧಿ ಸಂಘಟನೆ (ಇಪಿಎಫ್ಒ), ಪ್ರಮುಖ ಮಾಹಿತಿ ಸೋರಿಕೆ ಆಗದಂತೆ ನೋಡಿಕೊಳ್ಳುವ ಸಲುವಾಗಿ ಸಂಸ್ಥೆಯ ಆನ್ಲೈನ್ ಪೋರ್ಟಲ್ ಸದಸ್ಯರೇ ಸ್ವತಃ ಬಳಸುವಂತೆ ಸಲಹೆ ನೀಡಿದೆ.
ಹಲವಾರು ಸೈಬರ್ ಕೆಫೆ ಆಪರೇಟರ್ಗಳು ಮತ್ತು ಫಿನ್ಟೆಕ್ ಕಂಪನಿಗಳು ಇಪಿಎಫ್ಒ ಸದಸ್ಯರಿಂದ ಉಚಿತ ಸೇವೆಗಳಿಗೂ ದೊಡ್ಡ ಮೊತ್ತ ಪಡೆಯುತ್ತಿರುವುದು ಗಮನಕ್ಕೆ ಬಂದಿದೆ. ಬಹಳಷ್ಟು ಸಂದರ್ಭಗಳಲ್ಲಿ, ಈ ಆಪರೇಟರ್ಗಳು ಇಪಿಎಫ್ಒದ ಆನ್ಲೈನ್ ದೂರು ನಿವಾರಣೆ ಪೋರ್ಟಲ್ ಬಳಸುತ್ತಾರೆ. ಇದನ್ನು ಸದಸ್ಯರೇ ಖುದ್ದಾಗಿ ಬಳಸಬಹುದು. ಬೇರೆಯವರ ಮೇಲೆ ಅವಲಂಬಿತರಾದರೆ ಸದಸ್ಯರ ಆರ್ಥಿಕ ಮಾಹಿತಿ ಸೋರಿಕೆ ಆಗುತ್ತದೆ. ಈ ಮೂರನೇ ವ್ಯಕ್ತಿಗಳು ಅಥವಾ ಕಂಪನಿಗಳು ಇಪಿಎಫ್ಒದ ಅಧಿಕೃತ ಪ್ರತಿನಿಧಿಗಳಲ್ಲ ಎಂದು ಇಪಿಎಫ್ಒ ತಿಳಿಸಿದೆ.
ಸದಸ್ಯರ ದೂರುಗಳನ್ನು ಇಪಿಎಫ್ಒ ತನ್ನ ಪೋರ್ಟಲ್ಗಳಲ್ಲಿ ನೋಂದಾಯಿಸಿಕೊಂಡು ಕಾಲಮಿತಿಯೊಳಗೆ ಪರಿಹರಿಸುತ್ತದೆ. 2024-25ರಲ್ಲಿ 17 ಲಕ್ಷಕ್ಕೂ ಹೆಚ್ಚು ದೂರುಗಳು ಬಂದಿದ್ದು ಆ ಪೈಕಿ ಶೇ. 98ರಷ್ಟು ದೂರುಗಳನ್ನು ಬಗೆಹರಿಸಲಾಗಿದೆ. ಉಮಂಗ್ ಆ್ಯಪ್ನಲ್ಲಿ ಮತ್ತು ಇಪಿಎಫ್ಒದ ಪೋರ್ಟಲ್ಗಳಲ್ಲಿ ಎಲ್ಲ ಸೇವೆಗಳೂ ಸಂಪೂರ್ಣ ಉಚಿತವಾಗಿದ್ದು, ಏಜೆಂಟ್ಗಳಿಗೆ ಅಥವಾ ಸೈಬರ್ ಕೆಫೆಗಳಿಗೆ ಶುಲ್ಕ ತೆರುವ ಅವಶ್ಯಕತೆ ಇಲ್ಲ ಎಂದೂ ಅದು ಸ್ಪಷ್ಟಪಡಿಸಿದೆ.
ಇದೂ ಓದಿ: ದಿಗ್ಗಜ ಹೋಟೆಲಿಗರಿಗೂ ತಿಳಿಯಲಾಗಲಿಲ್ಲ ಇದೊಂದು ರಹಸ್ಯ!; ಕೆಲವು ಹೋಟೆಲ್ಗಳಲ್ಲಿದೆಯಾ ‘ಸ್ಥಳ ಮಹಿಮೆʼ?
ಇದೂ ಓದಿ: ಬೆಂಗಳೂರು ಹೋಟೆಲುಗಳ ಸಂಘದ ಸದಸ್ಯತ್ವ ಪಡೆಯುವುದು ಹೇಗೆ? ಅದಕ್ಕೆಂದೇ ಮಾಡಲಾಗಿದೆ ಹೊಸ ಸಮಿತಿ
ಇದೂ ಓದಿ: ಬೇಕರಿ-ಕಾಂಡಿಮೆಂಟ್ಸ್, ಬೀಡಾ ಅಂಗಡಿ ಮಾಲೀಕರ ಮೇಲೆ ದೌರ್ಜನ್ಯ ಎಸಗುವವರ ವಿರುದ್ಧ ಕಠಿಣ ಕ್ರಮ
