ಬೆಂಗಳೂರು: ಬೃಹತ್‌ ಬೆಂಗಳೂರು ಹೋಟೆಲುಗಳ ಸಂಘ (ಬಿಬಿಎಚ್‌ಎ)ದ ವತಿಯಿಂದ ಎಫ್ಎಸ್ಎಸ್ಎಐ ಫಾಸ್ಟ್ಯಾಕ್‌ ಟ್ರೇನಿಂಗ್ ಕೊಡಿಸಲಾಗುತ್ತಿದ್ದು, ಇದುವರೆಗೆ 500ಕ್ಕೂ ಅಧಿಕ ಮಂದಿಗೆ ತರಬೇತಿ ಒದಗಿಸಲಾಗಿದೆ.
ಭಾರತೀಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ (ಎಫ್ಎಸ್ಎಸ್ಎಐ) ಆಹಾರ ಉದ್ಯಮದಲ್ಲಿ ಇರುವವರಿಗೆ ʼಫುಡ್‌ ಸೇಫ್ಟಿ ಟ್ರೇನಿಂಗ್ & ಸರ್ಟಿಫಿಕೇಷನ್‌ʼ (FoSTaC) ಕಡ್ಡಾಯಗೊಳಿಸಿದೆ. ಈ ಹಿನ್ನೆಲೆಯಲ್ಲಿ ಬಿಬಿಎಚ್‌ಎ ತನ್ನ ಸದಸ್ಯ ಹೋಟೆಲ್‌ಗಳ ಸಿಬ್ಬಂದಿಗೆ ನಿಯಮಿತವಾಗಿ ಈ ತರಬೇತಿ ಒದಗಿಸುತ್ತಿದೆ.
ಆಹಾರ ಉದ್ಯಮದಲ್ಲಿ ಇರುವವರಿಗೆ ಫಾಸ್ಟ್ಯಾಕ್‌ ತರಬೇತಿಯನ್ನು ಎಫ್ಎಸ್ಎಸ್ಎಐ ಕಡ್ಡಾಯಗೊಳಿಸಿದೆ. ಹೀಗಾಗಿ ಬಿಬಿಎಚ್‌ಎ ಸದಸ್ಯರಿಗೆ ಸಂಘದಿಂದಲೇ ತರಬೇತಿ ಆಯೋಜಿಸಿ ನೀಡಲಾಗುತ್ತಿದೆ.
| ಪಿ.ಸಿ.ರಾವ್, ಗೌರವಾಧ್ಯಕ್ಷ, ಬಿಬಿಎಚ್‌ಎ.
ಎಫ್ಎಸ್ಎಸ್ಎಐ ಅಧಿಕಾರಿಗಳಿಂದ ಬಿಬಿಎಚ್‌ಎ ಸದಸ್ಯ ಹೋಟೆಲ್‌ಗಳ ಸಿಬ್ಬಂದಿಗೆ ಕಳೆದ ಒಂದು ವರ್ಷದಿಂದ ಈಚೆಗೆ ನಿಯಮಿತವಾಗಿ ಈ ತರಬೇತಿ ಆಯೋಜಿಸಲಾಗುತ್ತಿದೆ. ಇತ್ತೀಚೆಗೆ ಅಂದರೆ ಜುಲೈ 22ರ ಸೋಮವಾರವೂ ಬಿಬಿಎಚ್‌ಎ ಈ ತರಬೇತಿ ಆಯೋಜಿಸಿದ್ದು, 65 ಮಂದಿ ಪಾಲ್ಗೊಂಡಿದ್ದರು. ಇದರೊಂದಿಗೆ ಕಳೆದೊಂದು ವರ್ಷದ ಅವಧಿಯಲ್ಲಿ ಬಿಬಿಎಚ್‌ಎ 500ಕ್ಕೂ ಅಧಿಕ ಮಂದಿಗೆ ಫಾಸ್ಟ್ಯಾಕ್‌ ತರಬೇತಿ ಕೊಡಿಸಿದಂತಾಗಿದೆ.
ಫಾಸ್ಟ್ಯಾಕ್‌ ಟ್ರೇನಿಂಗ್ ಕುರಿತ ಹೆಚ್ಚಿನ ಮಾಹಿತಿಗೆ ಇಲ್ಲಿ ಕ್ಲಿಕ್‌ ಮಾಡಿ.
ಇದೂ ಓದಿ: ʼದೋಸೆ ಪಾರ್ಸೆಲ್‌ʼ ಎಂದು ತಂದಿದ್ದ ಚೀಲದಲ್ಲಿತ್ತು ನೋಟುಗಳ ಕಂತೆ!
ಇದೂ ಓದಿ: ಸೌಟು ಹಿಡಿದಿದ್ದ ಕೈಯಲ್ಲೀಗ ಬೃಹತ್‌ ಸಾರಿಗೆ ಸಂಘಟನೆಯ ಸ್ಟೇರಿಂಗ್!
ಇದೂ ಓದಿ: ಹೋಟೆಲ್‌ ಉದ್ಯಮಕ್ಕಿದೆ ನಮ್ಮ ಸಂಪೂರ್ಣ ಬೆಂಬಲ: ಕನ್ನಡಪ್ರಭ- ಸುವರ್ಣನ್ಯೂಸ್‌ ಪ್ರಧಾನ ಸಂಪಾದಕ ರವಿ ಹೆಗಡೆ
