ಹೋಟೆಲ್ ಕನ್ನಡ, ಬೆಂಗಳೂರು: ಬೆಂಗಳೂರು ಹೋಟೆಲುಗಳ ಸಂಘ(ಬಿಎಚ್ಎ)ದ ಮಹತ್ವದ ಬೇಡಿಕೆಯೊಂದು ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ಅವರ ಮುಖೇನ ಈಡೇರಿದೆ. ಬಹುಕಾಲದ ಬೇಡಿಕೆಯೊಂದರ ಬಗ್ಗೆ ಜೋಶಿ ಅವರಿಗೆ ಬಿಎಚ್ಎ ಮನವಿ ಮಾಡಿಕೊಂಡಿದ್ದು, ಅದೀಗ ಕಾರ್ಯಗತಗೊಂಡಿದೆ.
ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ(ಎಫ್ಎಸ್ಎಸ್ಎ) ನೀಡುವ ಪ್ರಮಾಣಪತ್ರ ಹಾಗೂ ಪರವಾನಗಿಗಳನ್ನು ಪದೇಪದೇ ನವೀಕರಣಗೊಳಿಸುವ ಬದಲು ಅವುಗಳನ್ನು ಜೀವಿತಾವಧಿಗೆ ಜಾಲ್ತಿಯಲ್ಲಿ ಇರುವಂತೆ ಮಾಡಬೇಕು ಎಂಬುದು ಬೆಂಗಳೂರು ಹೋಟೆಲುಗಳ ಸಂಘದ ಮಹತ್ವದ ಬೇಡಿಕೆಯಾಗಿತ್ತು.
ಇದೂ ಓದಿ: ಹೋಟೆಲಿಗರಿಗೆ ಸಮಸ್ಯೆ ಆದಾಗ ನಾವಿದ್ದೇವೆ: ಬಿಎಚ್ಎ ನೂತನ ಅಧ್ಯಕ್ಷ ಎಚ್.ಎಸ್. ಸುಬ್ರಹ್ಮಣ್ಯ ಹೊಳ್ಳ
ಈ ಕುರಿತು ಸಂಘದ ಗೌರವಾಧ್ಯಕ್ಷ ಪಿ.ಸಿ.ರಾವ್, ಅಧ್ಯಕ್ಷ ಎಚ್.ಎಸ್.ಸುಬ್ರಹ್ಮಣ್ಯ ಹೊಳ್ಳ, ಗೌರವ ಕಾರ್ಯದರ್ಶಿ ಎನ್. ವೀರೇಂದ್ರ ಕಾಮತ್ ಅವರು ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ಅವರಿಗೆ 2022ರ ಮಾರ್ಚ್ನಲ್ಲಿ ಲಿಖಿತ ಮನವಿ ಸಲ್ಲಿಸಿದ್ದರು.
ಬೆಂಗಳೂರು ಹೋಟೆಲುಗಳ ಸಂಘದ ಈ ಮನವಿಯನ್ನು ಸಚಿವ ಜೋಶಿಯವರು ಕೇಂದ್ರ ಆರೋಗ್ಯ ಸಚಿವರಿಗೆ ಶಿಫಾರಸು ಮಾಡಿದ್ದರು. ಇದೀಗ ಎಫ್ಎಸ್ಎಸ್ಎ ನಿಯಮಗಳಲ್ಲಿ ಸುಧಾರಣೆಯಾಗಿದ್ದು, ಪರಿಷ್ಕೃತ ನಿಯಮಗಳಲ್ಲಿ ಹೋಟೆಲಿಗರ ಮನವಿಗೂ ಸಕಾತಾತ್ಮಕ ಸ್ಪಂದನೆ ಸಿಕ್ಕಿದೆ.
ಇದೂ ಓದಿ: ಬೆಂಗಳೂರು ಹೋಟೆಲುಗಳ ಸಂಘದ ಸದಸ್ಯತ್ವ ಪಡೆಯುವುದು ಹೇಗೆ? ಅದಕ್ಕೆಂದೇ ಮಾಡಲಾಗಿದೆ ಹೊಸ ಸಮಿತಿ
ವ್ಯಾಪಾರ ವಹಿವಾಟು ಇನ್ನಷ್ಟು ಸುಗಮಗೊಳಿಸುವ ನಿಟ್ಟಿನಲ್ಲಿ ತರಲಾಗಿರುವ ಸುಧಾರಣೆಗಳ ಕುರಿತು ಎಫ್ಎಸ್ಎಸ್ಎಐ ಶುಕ್ರವಾರ ಸುತ್ತೋಲೆ ಹೊರಡಿಸಿದ್ದು, ಎಫ್ಎಸ್ಎಸ್ಎಐ ಪ್ರಮಾಣಪತ್ರ ಹಾಗೂ ಪರವಾನಗಿಗಳನ್ನು ಜೀವಿತಾವಧಿಗೊಳಿಸಿರುವ ಬಗ್ಗೆ ಅದರಲ್ಲಿ ಉಲ್ಲೇಖಿಸಿದೆ.
ಹೀಗಾಗಿ ಇನ್ಮುಂದೆ ಎಫ್ಎಸ್ಎಸ್ಎಐ ಪ್ರಮಾಣಪತ್ರ/ಪರವಾನಗಿಗಳನ್ನು ನಿಯಮಿತವಾಗಿ ನವೀಕರಣಗೊಳಿಸಬೇಕಾಗಿಲ್ಲ, ಒಮ್ಮೆ ಪಡೆದರೆ ಅದು ಜೀವಿತಾವಧಿಗೆ ಜಾರಿಯಲ್ಲಿರಲಿದೆ.
ಇದೂ ಓದಿ: ದಿಗ್ಗಜ ಹೋಟೆಲಿಗರಿಗೂ ತಿಳಿಯಲಾಗಲಿಲ್ಲ ಇದೊಂದು ರಹಸ್ಯ!; ಕೆಲವು ಹೋಟೆಲ್ಗಳಲ್ಲಿದೆಯಾ ‘ಸ್ಥಳ ಮಹಿಮೆʼ?
ಇದೂ ಓದಿ: ಉದ್ಯೋಗಿಗಳಿಗೆ ಸರ್ಕಾರದಿಂದ ಸಂತಸದ ಸುದ್ದಿ; ಇನ್ಮುಂದೆ ಪೂರ್ತಿ ಹಣ ಪಡೆಯುವ ಅವಕಾಶ..
ಇದೂ ಓದಿ: ಕಾಫಿಗಿದೆ ಸಾವನ್ನೂ ಮುಂದೂಡುವ ಶಕ್ತಿ: ಕಾಫಿ ಹೇಗಿರಬೇಕು, ಎಷ್ಟು ಕುಡಿಯಬೇಕು?
